ចាស់ៗបុរាណតែងតែនិយាយថា ត្រចៀកធំជាព្រះពុទ្ធ ត្រចៀកធំ ជាសត្វកណ្តុរ តើវាទាក់ទង នឹងជោគវាសនា របស់មនុស្សម្នាក់ៗយ៉ាងដូចម្ដេច ?
ត្រចៀក គឺជាអវយវៈសម្រាប់ ស្តាប់ ។ ត្រចៀកត្រូវបានគេនិយាយថា តំណាងឲ្យប្រាជ្ញា និងភាពឈ្លាសវៃរបស់មនុស្សជាច្រើនរួមទាំងទាក់ទងដោយផ្ទាល់ទៅនឹង ជោគវាសនារបស់គេផងដែរ។ តើត្រចៀកបែបណា នាំលាភដល់អ្នកនោះ៖
ទីតាំងត្រចៀក៖ ប្រសិនបើទីតាំងនៃត្រចៀក ខ្ពស់ជាងភ្នែក(ចំណុចខ្ពស់បំផុតនៃត្រចៀកគឺខ្ពស់ជាងភ្នែក) បង្ហាញថា អ្នករៀនបានជ្រៅជ្រះ និងមានសមត្ថភាពច្នៃប្រឌិតច្រើនជាងបុគ្គលធម្មតា។ មនុស្សដែលមានត្រចៀកខ្ពស់នេះ ត្រូវបានចិញ្ចឹមបីបាច់ ដោយយកចិត្តទុកដាក់ និងប្រុងប្រយ័ត្ន។ មនុស្សទាំងនេះ ក៏តែងតែទទួលបានជំនួយ ដូច្នេះពួកគេធំឡើង ដោយគ្មានសម្ពាធ និងការព្រួយបារម្ភឡើយ។ មនុស្សដែលមានត្រចៀកខ្ពស់ ងាយនឹងទទួលបានជោគជ័យ ក្នុងសង្គមដោយមិនចាំបាច់ពិបាកក្នុងការចំណាយពេល និងពលកម្ម ដូចអ្នកដទៃឡើយ។
រីឯមនុស្សដែលមានត្រចៀក ទាប (មានន័យថា ចំណុចខ្ពស់បំផុតនៃត្រចៀក ដែលមានទីតាំងទាបជាងភ្នែក) បង្ហាះថា អ្នកជាមនុស្សងាយបាក់ទឹកចិត្ត មិនមានក្តីសុបិន្ត និងមហិច្ឆតាឡើយ ។ មនុស្សទាំងនេះចូលចិត្តដោះស្រាយខ្លួនឯង មិនសូវពេញចិត្តនឹងការជួយពីអ្នកដ៏ទៃ មិនចូលចិត្តអ្នកដែកមានគំនិតបញ្ច្រាសទេ ដូច្នេះ ផ្លូវជីវិតគេតែងជួបការលំបាក រហូតងាយនឹងធ្លាក់ទៅក្នុងបំណុលទៀតផង។
ទំហំ៖ មនុស្សដែលមានត្រចៀកធំ មានលក្ខណៈពិសេស ដោយពួកគេមានភាពស្វាហាប់ ជីវិតពោរពេញទៅដោយក្តីសុខ ហើយប្រសិនបើត្រចៀកនោះក្រាស់ទៀត វាបង្ហាញថា ពួកគេរីករាយរស់នៅក្នុងជីវិតដ៏យូរអង្វែង។ មនុស្សដែលមានត្រចៀក ធំ តែងត្រៀមខ្លួនជាស្រេចក្នុងការប្រថុយប្រថាននៅពេលធ្វើអ្វីក៏ដោយ។ ក្រៅពីនេះគេក៏ជាអ្នកស្តាប់ដ៏ល្អផងដែរ។
សម្រាប់មនុស្សដែលមានត្រចៀកតូចៗវិញ មានការប្រុងប្រយ័ត្នខ្ពស់ ធ្វើការពិចារណាដិតដល់។ មនុស្សដែលមានត្រចៀកប្រភេទនេះ ត្រូវបានគេឲ្យដឹងថា មានមហិច្ឆតាបែបស្ងប់ស្ងាត់។ បើមានត្រចៀកស្រឡះវិញ ភាគច្រើនជាមនុស្សមាន បញ្ញា មានភាពប្រុងប្រយ័ត្នណាស់ និងមានកាវិនិច្ឆ័យល្អ។
